៤០ សំណួរចម្លើយជីវវិទ្យាថ្នាក់ទី៩ ត្រៀមប្រលងថ្នាក់ជាតិ (ភាគ១/៤)

---

---

១.ដូចម្តេចដែលហៅថាដំណើររស្មីសំយោគ?

ដំណើររស្មីសំយោគគឺជាដំណើរនៃការផលិតអាហាររបស់រុក្ខជាតិបៃតង។

២.តើដង្ហើមរុក្ខជាតិគឺជាអ្វី? ចូរសរសេរសមីការដង្ហើមរុក្ខជាតិ។

ដង្ហើមរុក្ខជាតិគឺជាដំណើរដែលរុក្ខជាតិទទួលបានថាមពលពីការបំបែកន្លុយកូស។ សមីការដង្ហើម៖
$C_6{H}_6{O}_6 \stackrel{មីតូកុងទី}{\to }6C{O}_6+6H_{2}O+ថាមពល$

៣.តើចលនាអឆន្ទៈគឺជាអ្វី? ចូររកឧទាហរណ៍ឱ្យបាន៣។

ចលនាអឆន្ទៈ គឺជាចលនាដែលកើតឡើងដោយអញាណ មិនស្ថិតនៅក្រោមការបញ្ជាពីខួរក្បាល។ ឧទហរណ៍ា: ការដកដង្ហើម ចង្វាក់បេះដូង និងការរំលាយអាហារ។

៤.តើកក្តាអ្វីខ្លះដែរជះឥទ្ធិពលលើដំណើររស្មីសំយោគ? ចូរបញ្ជាក់។

កត្តាផ្សេងៗដែលជះឥទ្ឋិពលទៅលើដំណើររស្មីសំយោគមានដូចជា៖

ពន្លឺ: ពន្លឺមានសារៈសំខាន់ណាស់សម្រាប់រុក្ខជាតិក្នុងការផលិតអាហារតាមដំណើររស្មីសំយោគ ប៉ុន្តែរុក្ខជាតិមាន តម្រូវការពន្លឺមិនដូចគ្នាទេ។

ទឹកៈ ទឹកជារូបធាតុចាំបាច់ចំពោះរុក្ខជាតិក្នុងដំណើររស្មីសំយោគហើយដំណើររស្មីសំយោគអាចឈប់បាននៅពេលដែលទឹកមិនគ្រប់គ្រាន់ ឬទឹកច្រើនហួស។

ឧស្ម័នកាបូនិកៈ ជាវត្ថុធាតុដើមយ៉ាងសំខាន់សំរាប់រស្មីសំយោគ ហើយដំណើររស្មីសំយោគអាចប្រព្រឹត្តទៅបានល្អក្នុងលក្ខខ័ណ្ឌ CO2 0.03%។

សីតុណ្ហភាព: ដំណើររស្មីសំយោគប្រព្រឹត្តទៅបានល្អក្នុងសីតុណ្ហភាពពី 20°C-30°C។

កង្វះសារធាតុខនិជៈ កង្វះសារធាតុខនិជជះឥទ្ឋិពលទៅលើដំណើររស្មីសំយោគ និងលំនាំមេតាប៉ូលីសផ្សេងៗទៀតនៃរបស់រុក្ខជាតិ។

៥.ដូចម្តេចដែលហៅថាចលនាឆន្ទៈ? ចូររកឧទាហរណ៍ឱ្យបាន៥។

ចលនាឆន្ទៈ គឺជាចលនាដែលកើតឡើងដោយញាណ ស្ថិតនៅក្រោមការបញ្ជាពីខួរក្បាល។ ឧទាហរណ៍:ការអាន ការសរសេរ ការរាំ ការរត់ និងការនិយាយ។

៦.ហេតុអ្វីបានជាមុខរបួសឡើងក្តៅហើមហើយក្រហម?

បានជាមុខរបួសយើងឡើងក្តៅហើម ហើយក្រហម ពីព្រោះកោសិកាដែលឆ្លងរោគបញ្ចេញសារធាតុគីមី (អ៊ីស្តាមីន) ដែលធ្វើឲ្យសរសៃឈាមនៅកន្លែងមានរបួសរីកធំ។ ឈាមនិងគោលិកាសជាច្រើនជ្រៀតចេញតាមភ្នាសសរសៃប្ដូរទៅកាន់មុខរបួសនោះ ដែលធ្វើមុខរបួសមានពណ៌ក្រហមនិងហើម។

៧.តើមេរោគអេដស៍វាយប្រហារប្រព័ន្ធស៊ាំយ៉ាងដូចម្តេច?

វីរុសហ៊ីវ(HIV) វាយប្រហារប្រព័ន្ឋស៊ាំដូចតទៅៈ បន្ទាប់ពីចូលទៅក្នុងសារពាង្គកាយ វីរុសហ៊ីវទៅបំផ្លាញឡាំផូស៊ីត T កាលណាឡាំផូស៊ីត T ត្រូវបានបំផ្លាញ ពេលនោះធ្វើឲ្យប្រព័ន្ឋការពារចុះខ្សោយ ព្រោះឡាំផូស៊ីត T មាននាទីសំខាន់សំរាប់ភ្ញោចឡាំផូស៊ីត B (ប្លាស្មូស៊ីត) ឱ្យផលិតអង់ទីករដើម្បីប្រឆាំងនឹងភ្នាក់ងារបង្ករោគ។

៨.តើភ្លៀងអាស៊ីតកើតឡើងដោយសារអ្វី? ភ្លៀងអាស៊ីតផ្ដល់ផលប៉ះពាល់ដូចម្តេចខ្លះ?

ភ្លៀងអាស៊ីត កើតឡើងដោយសារការរលាយនៃសារធាតុពុលក្នុងបរិយាកាសជាមួយទឹកភ្លៀងបង្កើតបានជាភ្លៀង អាស៊ីត ។ ភ្លៀងអាស៊ីតផ្តល់ផលប៉ះពាល់ដូចជា៖

បំផ្លាញសំណង់អាគារផ្សេងៗជាពិសេសប្រាសាទបុរាណ

ធ្វើឲ្យដីបាត់បង់ជីជាតិ

បំផ្លាញជីវៈចម្រុះក្នុងទឹក(បំពុលទឹក)

ប៉ះពាល់សុខភាពស្បែក

បង្អាក់ការភ្ជាប់អាសូតក្នុងដី។

៩.តើណឺរ៉ូនគឺជាអ្វី? ណឺរ៉ូនមានប៉ុន្មានប្រភេទ? អ្វីខ្លះ?

ណឺរ៉ូនគឺជាកោសិកាប្រសាទដែលដឹកនាំព័ត៌មាន(អាំងភ្លុចប្រសាទ) ទៅពាសពេញប្រព័ន្ធប្រសាទ។ ណឺរ៉ូនមាន៣ប្រភេទគឺ៖

ឈឺរ៉ូនវិញ្ញាណនាំ

ណឺរ៉ូនចលករ

ឈឺរ៉ូនភ្ជាប់ ឬអរន្តរណឺរ៉ូន

១០.រកលក្ខណៈខុសគ្នារវាងដំណើររស្មីសំយោគ និងដង្ហើមរុក្ខជាតិ។

លក្ខណៈខុសគ្នារវាងដំណើររស្មីសំយោគ និងដង្ហើមរុក្ខជាតិ៖

ក. រស្មីសំយោគ	ខ.ដង្ហើម
-       ស្រូបយកថាមពល -       ប្រព្រឹត្តទៅពេលថ្ងៃ (ពន្លឺ) -       ប្រព្រឹត្តក្នុងក្លរ៉ូប្លាស -       ត្រូវការ CO2 និង H2O -          ផលិតផល C6H12O6 និង O2	-       បញ្ចេញថាមពល -       ប្រព្រឹត្តទៅគ្រប់ពេល -       ប្រព្រឹត្តទៅក្នុងមីតូកុងឌី -       ត្រូវការ C6H12O6 និង O2 -       ផលិតផល CO2 និង H2O